🕖Nisja:
📍Nisja nga Tirana te (Universiteti Logos, përballë Pallatit të Sportit Asllan Rusi) nje dite para ne oren 19:00.
📍Nisje nga Lezha te Big Marketi ne oren 20:00.
📍Nisje nga Shkodra te ura e Bunes ne oren 20:30

Udhëtimi ynë nis gjatë natës, me ndalesa teknike përgjatë rrugës për pushim dhe konsumimin e kafesë, duke përshkuar të gjithë bregdetin malazez dhe një pjesë të bregdetit kroat.

Mbërritja në Zagreb, kryeqytetin e Kroacisë, do të shënojë fillimin e eksplorimit të këtij qyteti plot histori, kulturë dhe arkitekturë mbresëlënëse. Gjatë vizitës do të zbulojmë disa nga atraksionet më të rëndësishme të tij:

• Sheshi Ban Jelačić – Sheshi kryesor dhe zemra e Zagrebit, një pikë e njohur takimi që lidh qytetin e vjetër me pjesën moderne dhe ku ndihet gjallëria e qytetit gjatë gjithë ditës.

• Katedralja e Ngjitjes së Virgjëreshës Mari – Një nga monumentet më të rëndësishme fetare të Kroacisë, e njohur për arkitekturën e saj madhështore gotike dhe kullat karakteristike që dominojnë panoramën e qytetit.

• Qyteti i Vjetër, Gornji Grad – Zona historike e Zagrebit, me rrugica me kalldrëm, ndërtesa mesjetare dhe sheshe piktoreske që ruajnë traditën dhe historinë e qytetit.

• Kisha e Shën Markut – Një nga simbolet më të njohura të Zagrebit, e famshme për çatinë e saj shumëngjyrëshe, të zbukuruar me stemat e Zagrebit dhe Kroacisë.

• Rrugica Tkalčićeva – Një nga zonat më të gjalla të qytetit, e njohur për kafenetë, restorantet dhe atmosferën e saj relaksuese. Këtu do të kemi gjithashtu kohë të lirë për shëtitje dhe konsumimin e drekës, duke shijuar nga afër ritmin dhe mikpritjen e kryeqytetit kroat.

Pas përfundimit të vizitës, do të vazhdojmë drejt hotelit për të kryer akomodimin. Mbrëmja do të jetë e lirë, duke ju dhënë mundësinë të shijoni Zagrebin sipas dëshirës, të shëtisni në qendër ose të relaksoheni në një nga kafenetë dhe restorantet e tij.

Mëngjesi në hotel.

Pas konsumimit të mëngjesit, nisemi drejt Liqenit Bled në Slloveni, një nga destinacionet më të famshme dhe romantike të Alpeve Juliane. I rrethuar nga male madhështore dhe peizazhe përrallore, Liqeni Bled ofron një panoramë mahnitëse, me ishullin piktoresk në mes të liqenit dhe kështjellën historike të vendosur mbi kodër. Do të kemi mundësi të shijojmë një shëtitje përgjatë bregut të liqenit dhe të realizojmë fotografi të bukura në këtë destinacion magjepsës.

Pas vizitës në Bled, do të vazhdojmë udhëtimin drejt Ljubljanës, kryeqytetit të Sllovenisë. Pas mbërritjes, do të kemi kohë të lirë për konsumimin e drekës dhe më pas do të nisim turin panoramik për të zbuluar disa nga atraksionet më të bukura të qytetit:

• Qyteti i Vjetër – Një zonë piktoreske me rrugica me kalldrëm, ndërtesa historike dhe kafene karakteristike, ku ndërthuren bukur historia, kultura dhe atmosfera romantike e kryeqytetit slloven.

• Kështjella e Ljubljanës – E vendosur në majë të një kodre mbi qytet, kështjella ofron pamje panoramike mbresëlënëse mbi Ljubljanën dhe lumin Ljubljanica, si dhe hapësira muzeale që pasqyrojnë historinë e saj shekullore.

• Ura e Dragoit – Një nga simbolet më të njohura të qytetit, e famshme për statujat karakteristike të dragoit, të cilat përfaqësojnë forcën dhe mbrojtjen e Ljubljanës.

• Sheshi Prešeren – Sheshi kryesor i qytetit, një pikë e gjallë takimi e rrethuar nga arkitekturë elegante, ku vendasit dhe vizitorët shijojnë atmosferën e veçantë të kryeqytetit.

• Lumi Ljubljanica – Lumi që përshkon zemrën e qytetit dhe i jep atij një bukuri të veçantë, me shëtitore piktoreske, ura elegante dhe ambiente ideale për shëtitje e relaks.

Pas përfundimit të vizitës, do të drejtohemi për në hotel për akomodimin. Mbrëmja do të jetë e lirë, me mundësinë për të shijuar Ljubljanën sipas dëshirës, për të shëtitur në qendrën historike ose për t’u relaksuar në një nga kafenetë dhe restorantet e saj karakteristike.

Një ditë mes peizazheve përrallore të natyrës dhe bukurive magjepsëse të kryeqytetit slloven!

Mëngjesi në hotel.

Pas konsumimit të mëngjesit, nisemi drejt Kroacisë për të vizituar qytetin historik të Splitit, një nga destinacionet më të bukura të bregdetit dalmat, me një histori mbi 1,700-vjeçare dhe një trashëgimi të pasur kulturore e arkitekturore.

Gjatë vizitës sonë do të zbulojmë disa nga atraksionet më të rëndësishme të qytetit:

• Pallati i Dioklecianit – Një nga monumentet më të rëndësishme të periudhës romake në Evropë dhe pjesë e Trashëgimisë Botërore të UNESCO-s. I ndërtuar në shekullin IV nga perandori Dioklecian, pallati përbën sot zemrën e qytetit të vjetër të Splitit, ku historia dhe jeta moderne ndërthuren në mënyrë të veçantë.

• Katedralja e Shën Domniusit – E vendosur brenda kompleksit të Pallatit të Dioklecianit, ajo konsiderohet ndër katedralet më të vjetra në botë që janë ende në përdorim. Fillimisht mauzole i perandorit Dioklecian, sot është një nga simbolet e qytetit dhe ofron pamje panoramike mbresëlënëse nga kambanorja e saj.

• Shëtitorja Riva – Shëtitorja më e famshme e Splitit, përgjatë bregdetit të Adriatikut. Me palmat karakteristike, pamjet nga porti dhe kafenetë buzë detit, Riva është vendi ideal për një shëtitje relaksuese dhe për të shijuar atmosferën plot gjallëri të qytetit.

• Sheshi i Republikës (Trg Republike) – Një shesh elegant, i rrethuar nga ndërtesa me arkitekturë neoklasike dhe i frymëzuar nga sheshet italiane. I ndodhur pranë qendrës historike dhe bregdetit, ai është një pikë e njohur për aktivitete kulturore, koncerte dhe momente relaksi.

Pas përfundimit të vizitës në Split, pasditen do ta vijojmë udhëtimin drejt Makarskës, një qytet piktoresk bregdetar, i njohur për plazhet e tij të bukura, ujërat e kristalta të Adriatikut dhe peizazhet mbresëlënëse të malit Biokovo.

Pas mbërritjes, do të kryejmë akomodimin në hotel, ndërsa mbrëmja do të jetë e lirë për të shijuar Makarskën sipas dëshirës, për të shëtitur përgjatë shëtitores bregdetare ose për t'u relaksuar në një nga kafenetë dhe restorantet e qytetit.

Një ditë që ndërthur historinë romake, bukurinë mesdhetare dhe magjinë e bregdetit kroat!

Mëngjesi në hotel.

Pas konsumimit të mëngjesit, nisemi drejt Bosnjës dhe Hercegovinës, me destinacion qytetin piktoresk të Mostarit, një nga vendet më karakteristike të Ballkanit, i njohur për historinë, arkitekturën tradicionale dhe trashëgiminë e tij kulturore.

Gjatë vizitës do të shëtisim në qytetin e vjetër, mes rrugicave karakteristike të pazarit, dyqaneve tradicionale dhe ndërtesave me arkitekturë osmane. Një nga pikat kryesore të vizitës do të jetë Ura e Vjetër e Mostarit, simboli më i njohur i qytetit, e cila qëndron madhështore mbi lumin Neretva dhe krijon një panoramë mbresëlënëse.

Pas vizitës, do të kemi kohë të lirë për konsumimin e drekës dhe për të shijuar atmosferën e veçantë të qytetit.

Më pas, do të nisemi drejt Tiranës, duke për